المقالات

"بيرمي نفسه في الأرض و يعيط و يصرخ بصوت عالي .. و يبدأ نوبة غضب 
أعمل إيه؟"
ده سؤال سألته ماما لنا بسبب نوبات الغضب المتكررة من طفلها

و الحقيقة اللي محدش بيقولها إن نوبات الغضب مش تقصير في التربية من الأب و الأم ، ولا دلع ، دي صرخة طفل مش عارف يقول أنا حاسس بإيه ، أو مش عارف يسمي مشاعره و يعبر عنها بشكل صحي

طفلك مش بيستفزك ... هو تايه جواه … طيب نعمل إيه !!! ، أول رد فعل بيحدد كل حاجة ، لو انتي هديتي هو هيهدى ، لو انتي انفجرتي النوبة هتكبر

خليكي فاكرة القاعدة دي ، إقبلي المشاعر وارفُضي السلوك ، يعني تقولي : أنا عارفة إنك زعلان ، بس مش هنضرب و لا هنصرخ عشان نعرف نتفاهم

جملة بسيطة ... بس بتفرق جدًا

أهم شوية أسرار :

• بعد ما يهدى علميه يتكلم
  قول له قول أنا زعلان بدل ما تعيط
• قللي أوامر وزودي اختيارات
  تحب تلبس الأحمر ولا الأزرق
• اهتمي بالنوم والأكل الطفل المرهق أسرع واحد يغضب 
• أهم حاجه ، لو مرة عيط فيها وخد اللي هو عايزه نبقى كده علمناه انه الغضب وسيلة إنه ياخد اللي هو عاوزه
•  وقت النوبة ما تحاوليش تشرحي ، مخه مش سامعك أصلاً ، حضن بسيط ممكن يطفي العاصفة ( مش كل مرة بس جربي) 

في النهاية
طفلك مش محتاجك مثالية ، بالعكس محتاج إنك فاهمة

كل نوبة غضب هي فرصة تعلم مش مشكلة