متفرحوش(١)
عزيزي الآب... عزيزتي الأم
متفرحوش(١) !!!!!!
متفرحوش لما تلاقوا ابنكم اللي تحت سن ٥ سنوات بيفتح الموبايل و يقلّب في فيديوهات يوتيوب و يفتح بنفسه أغنية معينة و يتفرج عليها!!! 👩💻👨💻
متفرحوش و تفتكروا ان ده إنجاز و انه طفل عبقري و انه عمل حاجة سابقة سنه و كأنها إحدى علامات نموه الصحي و مؤشر تنمية مهاراته الذهنية!!!
متفرحوش لأن اعطاء طفل تحت سن خمس سنوات لموبايل أو تابلت أو حتى شاشة تليفزيون يعتبر تقصير شديد و جريمة حقيقية في حق ابنك و بنتك
أي حد بيشتغل في المجال التربوي اكيد حاسس بفرق الأجيال في خلال ال ١٠ سنين اللي فاتوا من حيث الانتباه و التركيز و فرط الحركة و أمراض البدانة و غيره و غيره
متفرحوش بكدة لأن المضاعفات خطيرة و مش هتظهر دلوقتي و منها:
+تأخر النطق 💁♂️
+تشتت الانتباه و قلة التركيز🤦♂️
+تعلم أشياء غير أخلاقية نتيجة عدم وجود رقابة مستمرة
+اضطرابات النوم و ما يتبعه من خلل في التغذية و تأثير ذلك على نموه الطبيعي
+عدم ارتباط الخلايا العصبية
+عدم القدرة على التآزر العصبي العضلي
+عدم نمو الخلايا العصبية بشكل طبيعي
+ضعف التخيل عند الطفل
+اكتساب بعض سمات التوحد
+العصبية الشديدة
+الميل للعنف و الضرب
+ضعف الذاكرة الرقمية 👩🏫
+عدم تقدير قيمة الوقت ⏰
ده غير الأضرار الجسدية
+سوء التغذية أو البدانة
+الكسل و الخمول🤦♂️
+ضعف الإبصار
+ضعف المناعة
+ضمور العضلات
طيب خلاص مش هنفرح بإبننا و هو بيعمل كدة شكلها طلعت حاجة مش كويسة بجد...
طب نعمل ايه؟ نضيع الوقت ازاي؟ ابني/ بنتي بيزهق/ بتزهق بسرعة جدا" و اي حاجة مش بتاخد في ايدها دقايق مهما كان بيحبها قوي
🥈🎉🎊🧩🧸🎲🎨🎭🧶⚽️🎈
تابعونا المرة الجاية هنجيب حلول كتييييير عشان نقضي وقت لطيف في البيت ننمي مهارات ولادنا بعيد عن استخدام الموبايل و التليفزيون و التابلت و الكمبيوتر
#تابعونا
