خُد بالَك
مينفعش اقول لإبني بابا معهوش فلوس ، ماما معندهاش فلوس في الشنطه اهوه ... بهدف اني أعلمه ميشبطش في حاجه في الشارع
للأسف بدون ما نشعر إحنا بنضرب الثقه و الأمان عند أولادنا
✋️الأفضل اني اتفق معاه قبل ما ننزل الهدف من الخروجه!
-هل النزول بهدف الشراء و لا رايحين مشوار ؟
-لو رايحين مشوار هاقول له احنا مش نازلين نجيب ده، احنا رايحين عند تيته -مثلا"- لما ننزل نشتري هناخد معانا فلوس اكتر و نجيب حاضر.
-لو نازلين نتسوق بقى... مش واقعي تكون عمال تحط في عربية التسوق احتياجات البيت و هو قاعد وسط الأرز و المكرونه و الزيت و مفيش item واحد و لا اتنين حاسس انهم بتوعه و طلبهم! فطبيعي كأب/ أم لازم اكون عارف انه هيشاور على حاجات .. مفيهاش حاجه لو حطيت له limit و اقول له قبل ما ننزل : هتطلب حاجتين او حاجه هاجيبها لك حاضر
مقاومة الأطفال لنا لها اسباب مهمة جداً .. لو عرفنا الأسباب و حسيناها هتقل المقاومه و هتبقى فرصنا في فهم بعض على المدى الطويل أفضل
خُد بالَك
